Analitika və məlumat

Saytınıza və artıq mövcud olan hesablara — GA4, reklam hesabları, lazım olarsa CRM — baxış səviyyəsində giriş kifayətdir; girişi öz tərəfinizdən açırsınız, parol istəmirik. Mobil və ya veb tətbiqiniz varsa, kod tərəfində kiçik bir əlavə tələb olunur — bunu ya sizin developer, ya da biz edirik. İşə isə hansı sualların cavabını rəqəmdə görmək istədiyinizi müəyyənləşdirməklə başlayırıq; ölçmə planı elə oradan doğur.

Hamısı sizin adınıza: GA4, data anbarı, hesabat panelləri — hesabların sahibi sizsiniz, biz yalnız verdiyiniz giriş icazəsi ilə işləyirik. Əməkdaşlıq bitsə belə, data da, panellər də sizdə qalır; heç nəyi bir yerdən başqa yerə köçürmək lazım gəlmir. Təhvil verəndə panelin necə oxunduğunu komandanızla birlikdə addım-addım keçirik.

İzləməni davranış üzərində qururuq — hansı səhifə, hansı addım, hansı kanal; şəxsiyyəti müəyyən edən məlumatın toplanmasını standart olaraq söndürürük. Auditoriyanız razılıq bildirişi tələb edirsə, izləməni həmin razılığa uyğun quraşdırırıq. Data sizin öz hesablarınızda qalır; biz onu satmırıq və icazəniz olmadan kimsə ilə paylaşmırıq — məlumatın özü isə yalnız sizin seçdiyiniz platformaların (məsələn, Google) sistemlərində saxlanılır.

Hesabat reklamı bəzəmək üçün deyil, qərar vermək üçün qurulur: nəyin işlədiyi kimi, nəyin boş xərc olduğu da eyni panelə düşür. Reklam büdcəsi sizin öz hesabınızdan, sizin adınıza xərclənir; idarəetmə haqqı isə reklam büdcəsindən tamamilə ayrı fakturalanır — media xərcinə heç bir əlavə haqq qoyulmur. Hər rəqəmin hansı mənbədən gəldiyi göstərilir ki, istədiyiniz an özünüz yoxlaya biləsiniz.

Quraşdırmadan sonra hər hadisəni real ssenaridə yoxlayırıq: sifariş verilir, forma göndərilir, zəng düyməsi basılır — sistemə düzgün düşdüyünə birlikdə baxırıq. Sonra paneldəki rəqəmi sizin tərəfdəki real satış və ya müraciət sayı ilə tutuşdururuq; fərq çıxsa, səbəbini araşdırıb izah edir, aradan qaldırıla bilənləri düzəldirik. Analitika nəticəni özü artırmır — nəyin nəticə gətirdiyini göstərir, qərar isə sizin əlinizdə qalır.